ആൻഡ്രോയ്ഡിൽ മലയാളം വായിക്കാൻ | Read Malayalam in Android

ആൻഡ്രോയ്ഡിൽ മലയാളം വായിക്കാൻ | Read Malayalam in Android

ഇന്ന് സ്മാർട്ട്ഫോണുകളുടെ കാലമാണല്ലോ. അവർക്കിടയിൽ പ്രമുഖനാണ് ആൻഡ്രോയ്ഡ്. 2011 മൂന്നാം പാദത്തിലെ കണക്കനുസരിച്ച് ഇന്ത്യയിൽ ഏറ്റവുമധികം വിൽക്കപ്പെടുന്ന സ്മാർട്ട്ഫോണായി ആൻഡ്രോയ്ഡ് മാറിക്കഴിഞ്ഞു. എന്നിരുന്നാലും ഇന്ത്യൻ ഭാഷകളിൽ സ്വതേയുള്ള ആൻഡ്രോയ്ഡ് പിന്തുണ തുലോം തുച്ഛമാണ്. എന്നാൽ ഈ പോരായ്മത ചില്ലറ വഴികളിലൂടെ പരിഹരിക്കാവുന്നതാണ്.

ആൻഡ്രോയ്ഡ് ആപ്ലിക്കേഷനുകളെല്ലാം ഏ. പി. കെ. ഫയൽ ഫോർമാറ്റിലുള്ളതാണ്(ആൻഡ്രോയ്ഡ് ആപ്ലിക്കേഷൻ പാക്കേജ്). കംപ്യൂട്ടറുകളിൽ മലയാളം പിന്തുണയ്ക്കാത്തപ്പോൾ മലയാളം യുണീക്കോഡ് അക്ഷരശൈലി(ഫോണ്ട്) സന്നിവേശിപ്പിച്ച്(ട്രൂറ്റൈപ്പ്- ടി. ടി. എഫ്, ഓപ്പൺടൈപ്പ് - ഓ. ടി. എഫ്.) നമ്മൾ പ്രശ്നം പരിഹരിക്കുന്നത് പോലെ ആൻഡ്രോയ്ഡിലും യുണീക്കോഡ് ഏ. പി. കെ ഫോണ്ട് സന്നിവേശിപ്പിച്ച് ഈ പ്രശ്നം പരിഹരിക്കാവുന്നതാണ്. താഴെ മലയാളം പിന്തുണയ്ക്കുന്ന കുറേ ഏ. പി. കെ. ഫോണ്ടുകൾ ലഭ്യമാക്കിയിട്ടുണ്ട്. ഫ്ലിപ്പ്ഫ്ലോപ്പ് വ്യവസ്ഥയിൽ പ്രവർത്തിക്കുന്ന ഇവ ആൻഡ്രോയ്ഡ് മാർക്കറ്റിൽ നിന്നും നേരിട്ട് ഡൗൺലോഡ് ചെയ്യുകയല്ലാത്തതിനാൽ ആദ്യമേ തന്നെ നോൺ മാർക്കറ്റ് ആപ്ലിക്കേഷനുകൾ ഇനേബിൾ ചെയ്യുക( സെറ്റിങ്ങ്സ് > ആപ്ലിക്കേഷൻസ് >അൺനോൺ സോഴ്സസ് എന്നത് ചെക്ക് ചെയ്യുക)

ഫ്ലിപ്പ്‌ഫോണ്ട് പിന്തുണയ്ക്കുന്ന എല്ലാ ഡിവൈസുകളിലും ഇത് ഉപയോഗിക്കാവുന്നതാണ്(പ്രധാനമായും സംസങ്ങ് ഗാലക്സി സീരീസ്.) അല്ലാത്ത പക്ഷം ഡിവൈസ് റൂട്ട് ചെയ്യേണ്ടി വന്നേക്കാം. ഫോണ്ട് സന്നിവേശിപ്പിക്കുന്നതിനായി താഴെപ്പറയുന്ന വഴികൾ പിന്തുടരുക.

പടി 1:

താഴെ നൽകിയിരിക്കുന്നതിൽ നിന്നും ഫോണ്ടുകൾ ഡിവൈസിലേക്ക് ഡൗൺലോഡ് ചെയ്യുക. (കമ്പ്യൂട്ടറിൽ ഡൗൺലോഡ് ചെയ്തതിന് ശേഷം എസ്. ഡി. കാർഡിലേക്ക് മാറ്റിയാലും മതിയാകും.)

കൗമദി

അക്ഷർ യുണീക്കോഡ്

അഞ്ജലി ഓൾഡ് ലിപി

ദ്യുതി

രചന

രഘു മലയാളം

പടി 2:

ഡൗൺലോഡ് ലൊക്കേഷനിലെത്തി അവശ്യമായ ഫോണ്ടുകൾ ഡിവൈസിൽ സന്നിവേശിപ്പിക്കുക.

ഇതിനായി ഫോണ്ടുകൾ സെലക്ട് ചെയ്ത് തുടർന്നുള്ള ലളിതമായ സ്റ്റെപ്പുകൾ പിന്തുടർന്നാൽ മതിയാകും

പടി 3:

ആപ്ലിക്കേഷൻ ഇൻസ്റ്റാളായതിനു ശേഷം ഫോണ്ട് സെറ്റിങ്ങ്സ് മെനുവിലെത്തുക. ഇതിനായിസെറ്റിങ്ങ്സ് > ഡിസ്പ്ലൈ > ഫോണ്ട് സ്റ്റൈൽ എന്ന പാത പിന്തൂടരുക.

പടി 4:

ഇതുവരെയുള്ള പ്രകൃയകളെല്ലാം കൃത്യമായി നടന്നുവെങ്കിൽ സന്നിവേശിപ്പിച്ച പുതിയ ഫോണ്ട് അവിടെ കാണും.‘ഡീഫോൾട്ട്’ എന്നതിലാവും സ്വതേ സെലക്ഷൻ കിടക്കുന്നത്.ഇത് മാറ്റി പുതിയ ഫോണ്ട് സെലക്ട് ചെയ്ത് ഓ.കെ. നൽകുക.

പടി 5:

ഡിവൈസ് ഒന്ന് റീസ്റ്റാർട്ട് ചെയ്യുക. ഇപ്പോൾ ഡിവൈസിൽ മലയാളം ഫോണ്ടുകളും റെന്റർ ചെയ്യുന്നത് കാണാം.

 

ഫോണ്ടുകൾ നീക്കം ചെയ്യാൻ: :

സാധാരണ ഒരു ആൻഡ്രോയ്ഡ് ആപ്ലിക്കേഷൻ ഡിവൈസിൽ നിന്നും നീക്കം ചെയ്യുന്നതിനു സമാനമായി ഈ ഫോണ്ടുകളും നീക്കം ചെയ്യാവുന്നതാണ്. 

ഇതിനായി സെറ്റിങ്ങ്സ് > ആപ്ലിക്കേഷൻ > മാനേജ് ആപ്ലിക്കേഷൻ എന്ന വഴിയിലെത്തി അവശ്യമായ ഫോണ്ട് നീക്കം ചെയ്യാവുന്നതാണ്.

പ്രശ്നങ്ങൾ :

ആൻഡ്രോയ്ഡ് ഫ്രാഗ്‌മെന്റേഷനെ തുടർന്ന് ചില ഡിവൈസുകളിൽ ചില ഫോണ്ടുകൾ ഓടാറില്ല. അതേ പോലെ ചില ഡിവൈസുകളിൽ കൂട്ടക്ഷരങ്ങൾ അതിന്റെ ബീജാക്ഷരങ്ങളായാവും കാണുക.

പിൻകുറിപ്പ് :

1. ആൻഡ്രോയ്ഡ് 2.2 (ഫ്രോയോ) അധിഷ്ഠിതമായി പ്രവർത്തിക്കുന്ന സാംസങ്ങ് GT-S5570 (ഗാലക്സി പോപ്പ്) അടിസ്ഥാനമാക്കിയുള്ള വിവരണവും ചിത്രങ്ങളുമാണ് നൽകിയിരിക്കുന്നത്. ചില ഡിവൈസുകളിൽ ഇതിൽ നിന്നും ചില്ലറ വ്യത്യാസങ്ങൾ കണ്ടേക്കും. അവിടെയെടുക്കേണ്ട തീരുമാനങ്ങൾ നിങ്ങളുടെ മനോധർമ്മത്തിനു വിടുന്നു.
2. മുകളിൽ തന്നിരിക്കുന്ന ഫോണ്ടുകളിൽ ‘അക്ഷർ യുണീക്കോഡാണ്’ ഞാൻ വ്യക്തിപരമായി ശുപാർശ ചെയ്യുന്നത്. കാരണം, മലയാളത്തിനൊപ്പം ഇംഗ്ലീഷും ഡിസ്പ്ലൈ ചെയ്യണമല്ലോ. അക്ഷർ, ആൻഡ്രോയ്ഡിലെ സ്വതേയുള്ള അക്ഷരശൈലിയുമായി വളരെയധികം സാമ്യം പുലർത്തുന്നു.  ഒപ്പം ഒട്ടു മിക്ക ഇൻഡിക് ഭാഷകളേയും പിന്തുണയ്ക്കുന്നുമുണ്ട്.
   അക്ഷറിനേക്കാളും  മലയാളം കാണാൻ ഭംഗി കൗമദിയിലാണ്

ക്രിസ്മസ് ആശംസകള്‍

എല്ലാവര്ക്കും  ക്രിസ്മസ്  ആശംസകളോടെ  .... കൂട്ടുകാരുടെ കൂട്ടായിമ  സൗഹൃദമാകുന്ന ജീവിതം  

പൊതുജനങ്ങള്‍ക്ക് പോലീസിലേക്ക് എസ്.എം.എസ്. അയയ്ക്കാം

പോലീസിന്റെ ശ്രദ്ധയില്‍ കൊണ്ടുവരേണ്ട ഏതു വിവരവും 9497900000 എന്ന നമ്പരിലേക്ക് പൊതുജനങ്ങള്‍ക്ക് എസ്.എം.എസ്. ചെയ്യാം.

ജീവനും സ്വത്തിനും അപ്രതീക്ഷിതമായി നേരിടുന്ന ഭീഷണി, ഏതെങ്കിലും കുറ്റകൃത്യങ്ങള്‍ക്കോ, അപകടങ്ങള്‍ക്കോ ദൃക്‌സാക്ഷിയാവുകയും എന്നാല്‍ സ്ഥലത്ത് പോലീസ് സാന്നിദ്ധ്യം ഇല്ലാതിരിക്കുകയും ചെയ്യുക, ജീവനും സ്വത്തിനും ഭീഷണി ഉണ്ടാകുന്ന തരത്തിലുള്ള സംശയാസ്പദമായ ആളുകളെയോ വസ്തുക്കളെയോ സംബന്ധിച്ച് വിവരം ലഭിക്കുക, സാമൂഹിക വിരുദ്ധരുടെ അതിക്രമങ്ങള്‍ ശ്രദ്ധയില്‍ പെടുക, പിടികിട്ടാപ്പുള്ളികളെപ്പറ്റിയുള്ള വിവരങ്ങള്‍ ലഭിക്കുക, കൂടുതല്‍ സമയം ട്രാഫിക് കുരുക്കില്‍ അകപ്പെടുക, സ്ത്രീകള്‍ക്കും കുട്ടികള്‍ക്കും എതിരായ ശല്യങ്ങള്‍ ശ്രദ്ധയില്‍പ്പെടുക തുടങ്ങിയ സാഹചര്യങ്ങളിലും ലോക്കല്‍ പോലീസിനെയോ ബന്ധപ്പെട്ട അധികൃതരെയോ വിവരം അറിയിച്ചിട്ടും നടപടി വൈകുന്ന സാഹചര്യങ്ങളിലും ഈ സൗകര്യം പ്രയോജനപ്പെടുത്താം.

പോലീസ് സഹായം ലഭിക്കുന്നതിനും പരാതികള്‍ നല്‍കുന്നതിനും നിലവിലുള്ള മറ്റു സംവിധാനങ്ങളും ഫോണ്‍ നമ്പരുകളും ഇനി പറയുന്നു. 
ഹൈവേ അലര്‍ട്ട് - 9846100100
റെയില്‍അലര്‍ട്ട് - 9846200100
ജില്ലാ തലത്തിലുള്ള പോലീസ് കണ്‍ട്രോള്‍ റൂമുകള്‍ - 100 
വനിതാ ഹെല്‍പ്പ് ലൈന്‍ - 1091 / 9995399953
ട്രാഫിക് അലര്‍ട്ട് - 1099
ക്രൈം സ്റ്റോപ്പര്‍ - 1090
പോലീസ് ഇന്‍ഫര്‍മേഷന്‍ സെന്‍റര്‍ - 0471 - 2318188
ചൈല്‍ഡ് ഹെല്‍പ്പ് ലൈന്‍ - 1098
സ്റ്റേറ്റ് പോലീസ് മോണിറ്ററിങ് റൂം ആന്‍ഡ് കോസ്റ്റല്‍ പോലീസ് അലര്‍ട്ട് - 0471 2556699/00

കേരള പോലീസ് ഹെല്‍പ്‌ലൈന്‍ - 0471 - 3243000 / 44000 /45000.

ശല്യക്കാരന്റെയോ ശല്യക്കാരിയുടെയോ പേരടക്കം കണ്ടെത്താന്‍

നിങ്ങളുടെ ഫോണിലേയ്ക്ക് വിളിയ്ക്കുന്ന ശല്യക്കാരന്റെയോ ശല്യക്കാരിയുടെയോ പേരടക്കം കണ്ടെത്താന്‍ സാധിയ്ക്കും. ട്രൂ കോളര്‍ എന്ന ആപ്ലിക്കേഷന്‍ ഉപയോഗിച്ചാണ് ഇത് സാധ്യമാകുന്നത്. ലോകത്തെമ്പാടുമുള്ള ഏകദേശം 622 മില്ല്യണ്‍ മൊബൈല്‍ നമ്പരുകളുടെ വിവരങ്ങള്‍ ഈ ആപ്ലിക്കേഷനിലുണ്ട്. മാത്രമല്ല അത് ദിനംപ്രതി വര്‍ദ്ധിയ്ക്കുകയുമാണ്. നിങ്ങളുടെ ഫോണില്‍ ഈ ആപ്ലിക്കേഷന്‍ ഇന്‍സ്റ്റാള്‍ ചെയ്ത് കഴിഞ്ഞാല്‍ അറിയാത്ത നമ്പര്‍ നല്‍കി സെര്‍ച്ച് ചെയ്യാന്‍ സാധിയ്ക്കും. അങ്ങനെ നമ്പരിന്റെ ഉടമയെ കണ്ടെത്താനും സാധിയ്ക്കും.
ആന്‍ഡ്രോയ്ഡ് ഫോണിന് വേണ്ടി ട്രൂ കോളര്‍ ഡൗണ്‍ലോഡ് ചെയ്യാനുള്ള ലിങ്ക്.https://play.google.com/store/apps/details?id=com.truecaller&hl=en
ഐഫോണിന് വേണ്ടി ട്രൂ കോളര്‍ ഡൗണ്‍ലോഡ് ചെയ്യാനുള്ള ലിങ്ക്.https://itunes.apple.com/in/app/truecaller-worldwide-number/id448142450?mt=8
nokia,സിംബിയന്‍ ഫോണിന് വേണ്ടി ട്രൂ കോളര്‍ ഡൗണ്‍ലോഡ് ചെയ്യാനുള്ള ലിങ്ക്.http://truecaller.en.softonic.com/symbian/download[ഇത് താങ്കളുടെ സുഹൃത്തുക്കളുടെ ശ്രദ്ധയില്‍ പെടുത്താന്‍ മറക്കില്ലല്ലോ ഇഷ്ടപ്പെട്ടാല്‍ കൂടുതല്‍ വാര്‍ത്തകള്‍ക്കും ചിത്രങ്ങള്‍ക്കും ഈ പേജില്‍ പോയി ലൈക്ക് ചെയ്യ

ഗൂഗിള്‍ അക്കൌണ്ടിനു ഇരട്ട സുരക്ഷ

ഇനി നിങ്ങളുടെ ജീമെയില്‍ ഒരുത്തനും ഹാക്ക് ചെയ്യാന്‍ പറ്റില്ല,പൂര്‍ണ്ണ സുരക്ഷ ഗ്യാരണ്ടി

ഇവിടെ പറയുന്ന ടിപ്പ് പലര്‍ക്കും അറിയുന്നതും ഉപയോഗിക്കുന്നതും ആയിരിക്കാം,ചിലപ്പോള്‍ ഈ ടിപ്പ് നേരത്തെ വന്നതൂമായിരിക്കാം.എങ്കിലും അറിയാത്തവര്‍ക്കും,പുതിയ കൂട്ടുകാര്‍ക്കും വേണ്ടിട്ടാണിത്.ഇതെന്റെ ആദ്യത്തെ ടിപ്പുമാണ്. എന്നാല്‍ ടിപ്പു നോക്കാം, ഗൂഗിളില്‍ അക്കൗണ്ട്‌ ഇല്ലാത്ത കൂട്ടുകാര്‍ കുറവായിരിക്കും.എല്ലാ അക്കൌണ്ടും പോലെ ഗൂഗിളിലും യുസര്‍ നെയിമ്മും പാസ്സ് വേഡും ഉണ്ടല്ലോ.ഈ പാസ്സ് വേഡ് അക്കൌന്‍ടിന്റെ സുരക്ഷക്കായിട്ടാണ് ഉപയോഗിക്കുന്നത്.ഗൂഗിളില്‍ സ്റ്റെപ് ടു വേരിഫികേഷന്‍ വഴി അക്കൌണ്ടിനു കൂടുതല്‍ സുരക്ഷ ഉറപ്പാക്കാം.താഴത്തെ സ്ക്രീന്‍ ഷോട്ട് ശ്രദ്ധിക്കൂ.

ആദ്യം ഗൂഗിളില്‍ സൈന്‍ ഇന്നില്‍ ക്ലിക്ക് ചെയ്യുക-നിങ്ങളുടെ യുസര്‍ നെയ്മും പാസ്‌ വേഡും കൊടുത്തു സൈന്‍ ഇന്നില്‍ ക്ലിക്ക് ചെയ്യുക-അപ്പോള്‍ തുറന്നുവന്ന വിന്റോയില്‍ നിങ്ങളുടെ പേരും,ഫോട്ടോയും,ഇമെയില്‍ ഐ.ഡി.യും കൂടെ കാണുന്ന അക്കൗണ്ട്‌ എന്നതില്‍ ക്ലിക്കുകഅക്കൗന്ടില്‍ സെക്യൂരിറ്റി എന്നതില്‍ ക്ലിക്കുക-
സെക്യൂരിറ്റിയില്‍ സ്റെപ്പ് ടു വേരിഫികേഷന്‍ എന്നതില്‍ ക്ലിക്കുക-പിന്നെ സ്റ്റാറ്റസ്:ഓഫ്‌ എഡിറ്റില്‍ ക്ലിക്കുക-പിന്നെ വരുന്ന വിന്‍ഡോയില്‍ ആദ്യം ഷോ ബാക്ക്അപ്പ്‌ കോഡ്സ് എന്നതില്‍ ക്ലിക്കുക-അപ്പോള്‍ 10 വേരിഫികേഷന്‍ കോഡുകള്‍ ഓപ്പണ്‍ ആയി വരും ഇത് എഴുതി വയ്ക്കുകയോ,കമ്പ്യൂട്ടറില്‍ തന്നെ ടെക്സ്റ്റ്‌ ഫയല്‍ ആയി സേവ് ചെയ്തോ സൂക്ഷിക്കുക,ആവശ്യം പിന്നെ പറയാം-വീണ്ടും സ്റെപ്പ് ടു വേരിഫികേഷന്‍(clik2)എന്നതില്‍ ക്ലിക്കുക-

അതിനിന്നും  സെലക്ട്‌ ചെയ്തതിനു ശേഷം നെക്സ്റ്റ്ല്‍ ക്ലിക്കുക-

അപ്പോള്‍ വരുന്ന വിന്‍ഡോയില്‍ മൊബൈല്‍ നമ്പര്‍ കൊടുക്കുക,ശേഷം സെന്‍റ് കോഡില്‍ ക്ലിക്കുക അപ്പോള്‍ തന്നെ നിങ്ങളുടെ മൊബൈലില്‍ ആറക്ക കോഡ്‌ നമ്പര്‍ വരും അത് കോഡ് എന്നാ ബോക്സില്‍ ടൈപ് ചെയ്തു വെരിഫൈയില്‍ ക്ലിക്കുക,ഉടനെ 'യുവര്‍ ഫോണ്‍ നമ്പര്‍ ഈസ്‌ കോന്‍ഫിഗൂറെഡ' എന്നതില്‍ ടിക്ക് വരും.ശേഷം നെക്സ്റ്റ്ല്‍ ക്ലിക്കുക-

അപ്പോള്‍ വരുന്ന വിന്‍ഡോയില്‍ കമ്പ്യൂട്ടര്‍ വേരിഫികേഷ്ന്‍ ചോദിക്കും (സ്ഥിരമായി ഉപയോഗിക്കുന്ന കമ്പ്യൂട്ടറില്‍ സ്റെപ് ടൂ വേരിഫികേഷന്‍ വേണമോ? വേണ്ടയോ?)അതിനായി ആദ്യം ട്രസ്റ്റ്‌ ദിസ്‌ കമ്പ്യൂട്ടര്‍ (ക്ലിക്ക് 1)എന്നതില്‍ ക്ലിക്കുക ശേഷം -ഡോണ്ട് ട്രസ്റ്റ്‌ ദിസ്‌ കമ്പ്യൂട്ടരീല്‍ ക്ലിക്കുക,ശേഷം നെക്സ്റ്റ്ല്‍ ക്ലിക്കുകഅപ്പോള്‍ വരുന്ന വിന്‍ഡോയില്‍ ഡോണ്ട്  ട്രസ്റ്റ്‌  ദിസ്‌  കമ്പ്യൂട്ടര്‍  എന്നതില്‍  ക്ലിക്കുക-അപ്പോള്‍ വരുന്ന വിന്‍ഡോയില്‍ ടേണ്‍ ഓണ്‍ സ്റെപ്പ് ടൂ വേരിഫികേഷ്ന്‍ എന്നതില്‍  ക്ലിക്കുക-

സ്റെപ്പ് ടൂ വേരിഫികേഷ്ന്‍ ഓണ്‍ ഫോര്‍ .........ജിമെയില്‍(നിങ്ങളുടെ ജിമെയില്‍ അക്കൗണ്ട്‌) എന്ന് കാണിക്കും
അടുത്ത പ്രാവശ്യം ജിമെയില്‍ ഓപ്പണ്‍ ചെയ്തു യുസര്‍ നെയ്മും പാസ്‌ വേഡും കൊടുത്തു സൈന്‍ ഇന്നില്‍ ക്ലിക്ക് ചെയ്യുമ്പോള്‍ വീണ്ടും ഒരു വേരിഫികേഷ്ന്‍ കോഡ് കൂടി ചോദിക്കും അപ്പോള്‍ നിങ്ങളുടെ മൊബൈലിലേക്ക് ഒരു ആറക്ക വേരിഫികേഷ്ന്‍ കോഡ് വരും അതുകൂടി എന്റര്‍ ചെയ്താലേ അക്കൗണ്ട്‌ ഓപ്പണ്‍ ആകുകയുള്ളൂ. ഇനി നേരത്തെ നമ്മള്‍ സേവ് ചെയ്തു വച്ച ബാക്ക് അപ്പ്‌ കോഡ്നെ പറ്റി-മൊബൈല്‍ നഷ്ട്ടപ്പെടുകയോ,റേഞ്ച് ഇല്ലാതെയോ വരുന്ന അവസരങ്ങളില്‍ ഈ ബാക്ക്അപ്പ്‌ കോഡ് ഉപയോഗിച്ച് അക്കൗണ്ട്‌ തുറക്കാം.

എല്ലാ സുഹുര്‍ത്തുക്കള്‍ക്കും ഈ ടിപ് ഇഷ്ട്ടമാകുമെന്നു വിശ്വസിക്കുന്നു.എല്ലാവരും വായിച്ചു ഉപയോഗിച്ചതിനുശേഷം(ഉപയോഗിക്കാത്തവര്‍)അഭിപ്രായം പറയുക.

എല്ലാവരുടെയും സ്നേഹം പ്രതീക്ഷിച്ചു കൊണ്ട് നിങ്ങള്‍ക്കായി സമര്‍പ്പിക്കുന്നു.നമസ്ക്കാരം.

@ http://w.suhrthu.com/forum/topics/google-security?xg_source=msg_mes_network

മഴ

""മാനം ഇരുളട്ടെ, മേഘം കനിയട്ടെ, മഴ പൊഴിയട്ടെ, മണ്ണു കുളിര്ക്കിട്ടെ കുണ്ടും കുഴിയും കൈത്തോടുകളും കുടിനീര്‍ കിണറും നിറയട്ടെ.''

എങ്ങനെ എളുപ്പത്തില്‍ മലയാളം ടൈപ്പ് ചെയ്യാം

എസ് എം എസ്  അയയ്ക്കുന്നത് പോലെ  നിങ്ങള്‍ക്ക് മലയാളം ടൈപ്പ് ചെയ്യാന്‍ സാധിയ്ക്കും. അതിനാണ് ഗൂഗിള്‍ ട്രാന്‍സ്‌ലിറ്ററേഷന്‍ സോഫ്റ്റ്‌വെയര്‍. ഈ സോഫ്റ്റ് വെയറിന്റെ സഹായത്തോടെ നിങ്ങള്‍ക്ക് അനായാസം മലയാളത്തില്‍ ടൈപ്പ് ചെയ്യാനും,വെബ്‌സൈറ്റുകളില്‍ പോസ്റ്റ് ചെയ്യാനും, മെയില്‍ അയയ്ക്കാനും ഒക്കെ സാധിയ്ക്കും.

എങ്ങനെ ഇത് ഉപയോഗിയ്ക്കാം ?

·         ഈ ലിങ്കില്‍ ക്ലിക്ക് ചെയ്ത് ഗൂഗിള്‍ ട്രാന്‍സ്‌ലിറ്ററേഷന്‍ പേജ് തുറക്കുക. നിങ്ങള്‍ക്ക് വേണ്ട ഭാഷ തിരഞ്ഞെടുത്ത് ഡൗണ്‍ലോഡ് ക്ലിക്ക് ചെയ്യുക. സോഫ്റ്റ് വെയര്‍ സേവ് ചെയ്യേണ്ട സ്ഥലം തിരഞ്ഞെടുക്കുക. ഡൗണ്‍ലോഡിംഗ് ആരംഭിയ്ക്കും.

·         ഡൗണ്‍ലോഡ് ആയ സോഫ്റ്റ് വെയറില്‍ ഡബിള്‍ ക്ലിക്ക് ചെയ്ത് ഓപ്പണ്‍ ചെയ്യുക. അപ്പോള്‍ ഗൂഗിള്‍ ട്രാന്‍സ്‌ലിറ്ററേഷന്‍ സോഫ്റ്റ് വെയര്‍ ഡൗണ്‍ലോഡാകാന്‍ ആരംഭിയ്ക്കും. ശേഷം വരുന്ന ഡയലോഗ് ബോക്‌സുകളില്‍ ആവശ്യമായവ തിരഞ്ഞെടുക്കുക. പ്രോഗ്രാം കമ്പ്യൂട്ടറില്‍ ഇന്‍സ്റ്റാള്‍ ആകും.

·         ഇന്‍സ്റ്റലേഷന് ശേഷം ടാസ്‌ക്ക്ബാറില്‍ ഒരു ചെറിയ ടൂള്‍ബാര്‍ കാണാന്‍ സാധിയ്ക്കും. ഇതാണ് ഗൂഗിള്‍ ലാംഗ്വേജ് ടൂള്‍ബാര്‍. നിങ്ങള്‍ക്ക് ടൈപ്പിംഗ് ഭാഷ ഇവിടെ മാറ്റാന്‍ സാധിയ്ക്കും. ഭാഷകളുടെ തുടക്കത്തിലെ അക്ഷരങ്ങള്‍ കാണാന്‍ സാധിയ്ക്കുന്നതില്‍ ക്ലിക്ക് ചെയ്താല്‍ മതിയാകും.

·         ഇത് വെബ്‌സൈറ്റുകളിലും, വേഡ്‌പ്രൊസസ്സിംഗ് സോഫ്റ്റ് വെയറുകളിലും ഒക്കെ പ്രവര്‍ത്തിയ്ക്കും. മാത്രമല്ല, ഇന്റര്‍നെറ്റ് കണക്ഷന്‍ ആവശ്യവുമില്ല ഇതുപയോഗിയ്ക്കാന്‍. നമ്മള്‍ സാധാരണ എസ്എംഎസ് അയയ്ക്കുന്ന രീതിയില്‍ വേണം ഇതുപയോഗിച്ച് ടൈപ്പ് ചെയ്യാന്‍. അതായത് പ്രണയം എന്ന് ടൈപ്പ് ചെയ്യാന്‍ pranayam എന്ന് ടൈപ്പ് ചെയ്ത് കൊടുക്കണം. സമാനമായ വാക്കുകള്‍ ഓപ്ഷനുകളായി നല്‍കുന്ന സൗകര്യവും ഈ സോഫ്റ്റ് വെയറിലുണ്ട്. അതുകൊണ്ട പലപ്പോഴും അക്ഷരങ്ങള്‍ മുഴുവന്‍ ടൈപ്പ് ചെയ്യേണ്ടി വരികയുമില്ല.

·          ടൈപ്പ ചെയ്തത് കോപ്പി ചെയ്ത് വേണ്ട സൈറ്റിലോ, പേജിലോ പോസ്റ്റ് ചെയ്യാനും സാധിയ്ക്കും.